ონლაინ შეძენილი პროდუქციის დაბრუნების პირობები

14 კალენდარული დღის განმავლობაში, მომხმარებელს უფლება აქვს, გამყიდველს დაუბრუნოს ონლაინ შეძენელი ტექნიკა, მიზეზის/საფუძვლის მითითების გარეშე.

დაბრუნების ვადა აითვლება:

მომსახურების ხელშეკრულების შემთხვევაში − ხელშეკრულების დადებიდან.
ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა), საქონლის მფლობელობაში მიღებიდან.
მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა), ბოლო ნივთის მფლობელობაში მიღებიდან.
საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა), ნივთის მფლობელობაში პირველად მიღებიდან.

14 კალენდარულ დღეში დაბრუნების უფლება არ ვრცელდება იურიდიულ პირებზე/მეწარმე სუბიექტებზე.

ნივთის დასაბრუნებლად, მომხმარებელმა უნდა შეავსოს განაცხადი, სადაც მითითებული იქნება შემდეგი სახის ინფორმაცია:

მოვაჭრის მიერ მითითებული სახელი, ფაქტობრივი მისამართი, ფაქსის ნომერი, ელ. ფოსტის მისამართი
შეკვეთის თარიღი
შეკვეთის მიღების თარიღი
მომხმარებლის სახელი
მომხმარებლის მისამართი
მომხმარებლის ხელმოწერა (თუ ფორმა ქაღალდზეა შევსებული)
ფორმის შევსების თარიღი

განაცხადის გადაგზავნა შესაძლებელია როგორც ტექნიკის სახლის დისტანციური მომსახურების დეპარტამენტის ელ. ფოსტაზე: info@techhouse.ge ან კომპანიის ოფიციალურ Facebook გვერდზე, პირადი შეტყობინების სახით.

მოვაჭრე ვალდებულია, მომხმარებელს გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან, არაუგვიანეს, 14 კალენდარული დღისა;
ნასყიდობის ხელშეკრულებაზე უარის თქმის შემთხვევაში, მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება;
ნივთის უნაკლო, პირვანდელი მდგომარეობა დადასტურდება კომპანიისთვის გადმოცემის მომენტში;
ნივთის დაბრუნების პუნქტამდე ტრანსპორტირების ხარჯებს ანაზღაურებს მომხმარებელი;
მომხმარებელს თანხა დაუბრუნდება იმ ანგარიშსწორების ფორმით, რითიც თავდაპირველად ისარგებლა და იმავე პიროვნების ანგარიშის ნომერზე, ვინც განახორციელა გადახდის ტრანზაქცია (გარდა იმ შემთხვევისა, როცა მომხმარებელსა და გამყიდველს შორის შედგა დამატებითი შეთანხმება);
თუ ნივთს აღმოაჩნდება რაიმე სახის თავდაპირველი ნაკლი, მომხმარებელმა უნდა ისარგებლოს საგარანტიო პირობებით;
დაბრუნების მომენტში, მომხმარებელს ნივთში გადახდილი თანხა სრულად აუნაზღაურდება;
ნივთის დაბრუნება შესაძლებელია მხოლოდ სრული კომპლექტაციით (აქსესუარები, ყურსასმენები, დამტენი, კაბელები და ა.შ.) და დაუზიანებელი ქარხნული შესაფუთი მასალით. ყუთის გახსნა, საქონლის დათვალიერების მიზნით, არ ჩაითვლება ყუთის დაზიანებად. ასევე, მომხარებელმა უნდა დააბრუნოს ყიდვის მომენტში მიმდინარე აქციის ფარგლებში მიღებული აქსესუარები, ელ. ვაუჩერები ან/და სხვა ნივთები, რომლებიც უნდა დაბრუნდეს ან შეიცვალოს ორიგინალ/დასაბრუნებელ მოწყობილობასთან ერთად. თუ არ დაბრუნდება აღნიშნული ნივთები/ვაუჩერები, მათი ღირებულება გამოაკლდება მომხმარებლისთვის ასანაზღაურებელ თანხას;
ნივთის დაბრუნების პირობები არ ვრცელდება იმ ნივთზე ან მომსახურებაზე, რომლის ფასი 30 ლარს არ აღემატება;
მომხმარებელმა, დასაბრუნებელი ტექნიკა, კომპანიის მიერ დაბრუნების ფორმის დადასტურების შემდეგ უნდა მიიტანოს მაღაზიაში.

დაბრუნებას არ ექვემდებარება:

ნივთი, რომელიც დამზადებულია მომხმარებლის შეკვეთით;
გახსნილი ჰიგიენური ნივთები;
დალუქული აუდიო/ვიდეოჩანაწერი ან პროგრამული უზრუნველყოფა, რომლის ლუქი მიწოდების შემდეგ დაირღვა;
მოვაჭრემ ხელშეკრულებით გათვალისწინებული მომსახურება სრულად გასწია, მომხმარებლის წინასწარი თანხმობით და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;

მომხმარებლის საყურადღებოდ:

ყურადღებით შეამოწმეთ ნივთები ჩაბარების მომენტში და კურიერის მიერ გადმოცემულ მიღება-ჩაბარების აქტზე ხელმოწერით დაადასტურეთ, რომ: ჩაიბარეთ შემოწმებული, გარეგნული ნაკლის არმქონე პროდუქტი;
დაბრუნება არ მოხდება იმ შემთხვევაში, თუ მომხმარებლის ნივთს აღმოაჩნდება რაიმე სახის ფიზიკური/გარეგანი დაზიანება, დაზიანებული იქნება ქარხნული ყუთი/შეფუთვა (ყუთის გახსნა საქონლის დათვალიერების მიზნით არ ჩაითვლება ყუთის დაზიანებად) ან წაშლილი იქნება პროდუქტის საიდენტიფიკაციო/იმეი კოდი;
ნივთები, რომელთა დაბრუნებაც გსურთ, არის თქვენი პასუხისმგებლობის ფარგლებში, სანამ ისინი გამყიდველის საწყობს არ მიაღწევენ, მათი დაზიანების ან დაღუპვის რისკი გეკისრებათ თქვენ. პროდუქტის ჩვენს საწყობში დაბრუნების/გამოგზავნის პროცესში მიყენებული ზიანი თქვენი პასუხისმგებლობაა. გთხოვთ, დარწმუნდეთ, რომ უსაფრთხოდ შეფუთეთ საქონელი, რათა თავიდან აიცილოთ რაიმე დაზიანება პროდუქტებზე ან ყუთებზე, რადგან ეს გავლენას მოახდენს პროდუქტის ღირებულებაზე და შესაბამისად, ჩვენს შესაძლებლობაზე, გავყიდოთ პროდუქტი. დარწმუნდით, რომ პროდუქტის გთხოვთ, შეინახოთ ქვითრები, საფოსტო გზავნილის დოკუმენტი და ნომრები, როგორც ნივთის გამყიდველისათვის გამოგზავნის მტკიცებულება.